Սպառողական գների ինդեքսը (ՍԳԻ) բնութագրում է բնակչության անձնական սպառման համար ձեռք բերված ապրանքների և ծառայությունների փաստացի հաստատագրված կազմի արժեքի փոփոխությունը ժամանակի և տարածության մեջ:

Այսպես, արդյունաբերության ոլորտում հաշվարկվում է ՀՀ արդյունաբերողների արտադրանքի գների ինդեքսը (ԱԱԳԻ), որը բնութագրում է արդյունաբերության ոլորտի տնտեսավարող սուբյեկտների թողարկած արտադրանքի գների փոփոխությունը
ժամանակի ընթացքում` առանց ավելացված արժեքի և ակցիզային հարկերի հաշվարկման:

Բեռնափոխադրումների սակագների ինդեքսը բնութագրում է տրանսպորտի տարբեր տեսակներով բեռնափոխադրումների սակագների փոփոխությունները ժամանակի ընթացքում:

Շինարարության գների ինդեքսը հաշվարկվում է ըստ շինարարության տեխնոլոգիական կառուցվածքային բաղադրամասերի (շինմոնտաժային աշխատանքների, մեքենասարքավորումների ներդրումների, այլ աշխատանքների և ծախսերի). կշռված ընդհանուր ծավալում դրանց բաժնեմասով: