Անցած շաբաթ մենք հյուրընկալեցինք կլոր սեղանի քննարկում՝ նվիրված կոռուպցիայի դեմ համաշխարհային պայքարին: Միջոցառմանը մասնակցեցին Երևանի պետական համալսարանի, Հայաստանի ամերիկյան համալսարանի, Ագրոբիզնեսի հետազոտությունների և կրթության միջազգային կենտրոնի և ՀՀ Պետական կառավարման ակադեմիայի ուսանողները: ԱՄՆ դեսպանատան իրավական հարցերով ավագ խորհրդատու Աուդի Հոլովեյը ողջունեց ուսանողներին և հյուրերին ու միացավ ԱՄՆ հովանավորությամբ Ամերիկայում փոխանակման ծրագրերի երեք հայ շրջանավարտների կողմից ներկայացվող զեկույցների շարքին և քննարկումներին: Հակակոռուպցիոն կոալիցիայի խորհրդատու Արտակ Մանուկյանը խոսեց Հայաստանում բաց տվյալների վերլուծության գործիքների մասին: «Հետք» ՍՊԸ-ի տնօրեն Քրիստինե Բարսեղյանը խոսեց հետաքննող լրագրող լինելու մասին: Գեղամ Վարդանյանը ներկայացրեց իր տեսակետը լրատվամիջոցների գրագիտության մասին՝ իրական օրինակներ բերելով լրատվամիջոցների կողմից տարածվող