Բռնված գլուխներ դեռ չկան, այսօր պետական գնումների ոլորտի բարեփոխումների վերաբերյալ հարցին ի պատասխան ասաց «Թրանսփարենսի ինթերնեյշնլ» (ԹԻ) հակակոռուպցիոն կենտրոնի գնումների հարցերով փորձագետ Արտակ Մանուկյանը։

Պետական գնումների ոլորտի խնդիրները հանրության շրջանում շատ մեծ ակտիվությամբ քննարկվեցին մեկ տարի առաջ՝ անցած սեպտեմբերին, երբ Սերժ Սարգսյանը, կառավարությունում խորհրդակցություն հրավիրելով, դիմեց վարչապետ Տիգրան Սարգսյանին։ «Գլխից պիտի բռնենք՝ մեծերին»,- հայտնի խորհրդակցության ժամանակ ասաց նախագահը։